宣傳幹事 5D班 林浚衍

身為仁愛堂田家炳嘅學生，我希望喺中學期間為自己嘅學校出一份綿力，唔好浪費自己嘅光陰。喺疫情期間，有同學邀請我參加學生會，一開始我諗，參選學生會會唔會太大責任，後來發覺自己喺依間學校嘅時間越嚟越少，但無為依間學校作出貢獻，因此想放膽一試參選學生會。

---

雖然我喺學校冇參加咩學會，亦冇攞咩獎項，只係之前參與過BBS幫助中一學生，但我希望將我同中一學生溝通嘅技巧，運用喺學生會上，向各位老師、同學宣傳我哋所舉辦嘅活動。

另外，我希望可以利用我自己嘅個人特質—風趣幽默，為大家帶嚟歡樂，當然我都會認真對待一啲重要嘅場合。

就算遇上挫折，都會保持正面嘅態度；面對困難嘅來臨，就勇敢面對、累積經驗，將事情做得更好。

最後，參選學生會對我嚟講係一個挑戰，但我仍會盡我全力為各位同學服務