活動幹事 5A班 古朗熙

大家好！我係今年內閣Cynosure嘅活動幹事好中意食朱古力嘅古朗熙，中學生涯嘅六年絕對唔算短，所以到咗我中學生涯嘅尾聲，我都好想為大家留下一個喺tkp嘅難忘回憶，更愉快嘅校園生活，我亦都相信憑我地十三個人，遇到任何難關都能迎刃而解！

---

仲好記得form one啱啱入tkp嘅時候，連學生會都唔知係咩黎，淨係記得過咗兩個禮拜就無咗，並且由臨時學生會代替，有一段時間甚至連球類租借都時有時無，係直到有一次經過SU壁報先知原來學生會有咁多職務，而再深入了解後先知原來係咁繁重嘅工作，開始對學生會充滿好奇同憧憬，而黎個亦都係我對參選學生會有興趣嘅原因

我自己本身係一個無自信嘅人，唔會對自己作出改變，所以一開始受到主席邀請加入Cynosure嘅時候亦都只係試住先，好驚因為自己有所不足而帶負擔比其他人，一度寧願退出都唔好麻煩到人，但真真正正到咗籌備競選事務嘅時候，同其他成員一齊去收集同學嘅提名，構思活動，拍宣傳片之後，我又覺得做學生會並唔係一件苦事，反而好多野係要靠我地大家嘅努力先成事，甚至依家我地十三個成員由普通朋友變成一個和樂嘅家庭，於是我先下定決心，踏出自己嘅comfort zone，同佢地一齊參選，與其什麼都不做而後悔，倒不如努力過後才後悔。